اسمي منذر احمد ابراهيم، عمري 34 سنة من محافظة كركوك وشغلي منسق المنظمات المحلية والدولية في ديوان محافظة كركوك، خريج كلية التربية – قسم اللغة الانكليزية، شاركت بجلسة الطاولة المستديرة لشبكة كركوك للوقاية من التطرف العنيف والحد من خطابات الكراهية في "كركوك، الحويجة وداقوق" ضمن مشروع "منع التطرف العنيف وخطاب الكراهية في محافظة كركوك"، والي تضمّنت "الوضع العام في محافظة كركوك بشكل عام، النزاع وأنواعه، شجرة تحليل النزاع وتصميم المبادرات، هذا المشروع بدعم من صندوق SILM-United من أجل الاستقرار ، الممول من التعاون الألماني وتنفيذ جمعية التحرير للتنمية .

يكول منذر " حضرنا هذه الورشة المهمة لأنها استقطبت ممثّلي كركوك علمود يشتغلون سوية على مناهضة التطرف العنيف وعلمود نحمي نفسنا من هذه الظواهر مستقبلا، ومجتمع كركوك هو مجتمع متنوع ويحتوي على عدة مكونات وهي عبارة عن عراق مصغر، واستقرار كركوك يعني مفتاح استقرار العراق وأي مشاكل تتواجد بكركوك راح تنتقل لغير محافظات أخرى ولهذا هذه الورش والأنشطة مهمة جدا لتمكين الناس واعطائهم ادوات وخبرات يكدرون يشتغلون بيها علمود يمنعون هذه الظواهر ".

رسالة منذر " التطرف وخطاب الكراهية ما راح يوصلونا لشي، وراح يخلونا نعيش بأزمات وصراعات، لازم نحترم القانون ونلتجئ للحلول عن طريق القانون وراح يستمر العنف اذا مايكون اكو قانون، وأتمنى أن نعيش بسلام ومحبة ونخرج من قالب التطرف والكراهية والعنف.