اسمي امل رجب ، معاونة صيدلانية من قضاء تلعفر، حلمي كان أن اشتغل بمكان أكون عنصر فعال علمود أساعد الناس، وحاليا مجال الطب هو المكان الي اخدم الناس بيه، وتخرجت عام 2010 -2011 ، وتعينت مباشرة وبفترة داعش هاجرنا، وبديت أشتغل ويه المنظمات واروح للمخيمات ورحت للكيارة وهوايا اماكن افتريت علمود أكون عنصر فعال بالمكان الي اتواجد بيه.
شاركت أمل بورشة "الحد من التطرف العنيف" ضمن مشروع (إشراك المجتمع المدني لبناء السلام المستدام في نينوى " الموصل، تلعفر وبعّاج") بدعم من قبل صندوق سلم من أجل الاستقرار، والممول من منظمة التعاون الألماني .
تكول أمل " شاركت بهذه الورشة اليوم لأن منطقتي تعتبر منكوبة وأحب أن اتواجد ويه الشباب علمود ننشر الوعي الثقافي بيناتهم ونساهم بتعزيز السلام بمجتمعاتنا الي تأذت من الحرب ومن داعش ومن النزاعات المستمرة".
وتضيف أمل " هذه الورش بصورة عامة تساهم بتمكين المشارك واعطائه ادوات العمل علمود يكدر يطبق الي تعلمه ويساهم بصناعة التغيير بمجتمعه".
رسالة أمل" كل واحد لازم يطور نفسه بمجال عمله ويحاول يستثمر امكانياته وينشر رسالة السلام الي مجتمعه بحاجة الها، وأيضا أحب أوجّه رسالتي للمرأة أنّه ما تخلي العادات والتقاليد تخليها بدائرة مغلقة وتحاول تطلع من هذه الدائرة وتصير فعالة بالمجتمع جنبا الى جنب مع الرجل".
