احمد عبد الرزاق نقي، من محافظة كركوك – قضاء داقوق وهسه طالب بالسادس الإعدادي، عمري 19 سنة، شاركت بالورشة التدريبية الي اقامتها جمعية التحرير للتنمية بدعم من صندوق SILM-United من أجل الاستقرار، وبتمويل من التعاون الألماني حول "تمكين الشباب للوقاية من التطرف العنيف" لمجموعة من شباب مكونان محافظة كركوك ضمن مشروع "منع التطرف العنيف وخطاب الكراهية في محافظة كركوك".
يكول أحمد " بداقوق ماعدنا هيجي شي لا ورش لا مجاميع عمل ولا أنشطة مجتمعية، ما جنت متوقع بالبداية أنه الورشة راح تكون هيجي مهمة وتساهم ببناء شخصيتي وتعزيز علاقات بيني وبين زملائي وأن أتعلم واكتسب خبرات هوايا أكدر اساهم بنقلها لمجتمع داقوق".
ويضيف أحمد " ورشة الوقاية من التطرف العنيف ساهمت بتعزيز عدة مفاهيم عدنا ماجنا نعرفها من قبل وبالفعل مجتمعاتنا كان بيها تطرف وهذا التطرف ساهم بإحداث شرخ كبير بين المكونات بمحافظة كركوك، واليوم بعد تحرير المناطق الي كان مسيطر عليها داعش بدت هوايا حركات شبابية تساهم بالتخفيف بالتوتر والتطرف وتروج للسلام والتماسك المجتمعي".
ويوضّح أحمد " اليوم هي فرصة للكل أن يعمل بمجال السلام والتماسك المجتمعي لأن بصراحة أكو عدم ثقة بالمجتمعات ولازم نساهم بإعادة الثقة بين هذه المجتمعات علمود نكدر نعزز الاستقرار بمجتمعاتنا".
رسالة أحمد للشباب " أن يكونوا ايجابيين ويساهمون بنقل تجاربهم للمجتمعات العراقية وأن يروجوا للسلام والتعايش، لأن ملينا من الحروب ومن المشاكل والقتل ، نحتاج فرصة أن نعيش بسلام ومحبة بين كل مكونات الشعب العراقي".
