سالم قيس من الحويجة، اعمل مصور فوتوغرافي، خريج جامعة بغداد كلية اللغات، أعمل بالأنشطة المجتمعية وأنا ناشط مدني وشاركت بعدة تدريبات وأنشطة وكان عندي مشاركات مع منظمات محلية ودولية، شاركت بالورشة التدريبية الي اقامتها جمعية التحرير للتنمية بدعم من صندوق SILM-United من أجل الاستقرار، وبتمويل من التعاون الألماني حول "تمكين الشباب للوقاية من التطرف العنيف" لمجموعة من شباب مكونان محافظة كركوك ضمن مشروع "منع التطرف العنيف وخطاب الكراهية في محافظة كركوك".

يكول سالم " هذه الورشة كانت مهمة جدا علمود تعلمنا تفاصيل التطرف وانواعه وأساليبه وشلون نكدر نخفف من التطرف وخاصة بعد ما شفنا العديد من المجاميع المتطرفة سيطرت على المدن العراقية وكدرت تزرع افكارها عند البعض القليل من الناس، ومن خلال دورنا نساهم بمساعدة الناس وتثقيفهم وإيصال الافكار الايجابية للشباب علمود يتوعون ويكون عدهم خلفية ثقافية تكدر تساعدهم بحل المشاكل".

ويضيف سالم " احنا كمجتمع حويجة بحاجة ماسة لهذه الورشات لأن شباب الحويجة لا يمتلكون خلفيات ثقافية ويحتاجون إلى هكذا ثقافات ويحتاجون الى كل من يقدم لهم دعم ثقافي ومعنوي واقتصادي، علمود يكدرون يكونون جزء من مجتمع كركوك ويساهمون بالتغيير الايجابي".

رسالة سالم " للمجتمع العراقي للشباب أنه يعملوا على تطوير نفسهم وتطوير المجتمع علمود نصير مجتمع متماسك ومتكامل وأن يتمسكوا بالانسانية والتسامح وان يثقفوا انفسهم ويثقفوا اقرانهم علمود نصير مجتمع مستقر ومجتمع خالي من التطرف والعنف بصورة عامة".