20 Feb 2022

استثمار تنوع كركوك بمعالجة النزاعات والتطرف هو دافع مهم لتحقيق السلام المستدام!

اسيل وليد من كركوك وعمري 27، خريجة علوم حاسبات جامعة كركوك واشتغل بمجال المنظمات  وعضو "شبكة تثقيف الأقران – واي بير" شاركت بالورشة التدريبية الي اقامتها جمعية التحرير للتنمية بدعم من صندوق SILM-United من أجل الاستقرار، وبتمويل من التعاون الألماني حول "تمكين الشباب للوقاية من التطرف العنيف" لمجموعة من شباب مكونان محافظة كركوك ضمن مشروع "منع التطرف العنيف وخطاب الكراهية في محافظة كركوك".

 تكول اسيل "جيت لهذا التدريب علمود اطور نفسي وأكتسب معلومات حول التطرف العنيف، وكلش استفاديت وتعلمت هوايا أشياء ما جنت اعرفها من أنواع التطرف وأسبابه وأساليبه والدوافع الي تقود للتطرف".
وتضيف اسيل "اني مثقفة اقران ومن خلال عملي اساهم بإيصال المعلومات للناس الي ماتوصلهم المعلومات بصورة مباشرة،  وهذا التدريب بعد أن أخذته راح احاول اوصله لكل الأشخاص الي اتعامل وياهم بعملي".
 
وتأكد أسيل بحديثها "احب أن تكون هذه التدريبات داعمة ومستمرة وتستهدف اكبر عدد من الشباب علمود يتعلمون وبكل مناطق كركوك بالحويجة وبداقوق وتازة والقرى والمناطق الي ما واصلها المجتمع المدني ولا المنظمات والمناطق المهمشة لأن كركوك بيها تنوع حلو واذا استثمرنا هذا التنوع بمعالجة النزاعات والتطرف راح يكون جزء مهم من عملية استدامة السلام".