انا قصي سالار مبارك ، عمري 23 سنة من محافظة كركوك – قضاء داقوق، خريج معهد، شاركت بالورشة التدريبية الي اقامتها جمعية التحرير للتنمية بدعم من صندوق SILM-United من أجل الاستقرار، وبتمويل من التعاون الألماني حول "تمكين الشباب للوقاية من التطرف العنيف" لمجموعة من شباب مكونان محافظة كركوك ضمن مشروع "منع التطرف العنيف وخطاب الكراهية في محافظة كركوك".
يكول قصي "دخلت كمتطوع واشتغلت داخل مخيمات النازحين وبعدين كونت فريق تطوعي وبعدين بديت اشتغل مع المنظمات الدولية والمحلية، واخذت هوايا تدريبات حول الحوار السليم والتماسك المجتمعي وبناء السلام وحاليا داشتغل بالتماسك الاجتماعي مع فريقي، وساهمت بتمكين شباب اقتصاديا بإعطائهم مشاريع صغيرة وهمه ينفذوها بمناطقهم ".
ويضيف قصي " هذه الدورة كانت جدا مهمة حول التطرف العنيف وخطاب الكراهية وأول مرة احضر هيجي دورة لأن مجتمعنا بحاجة ماسة لهذه الدورات واحنا كمثقفي اقران نساهم بتوصيل هذه الافكار للناس بكل المجتمعات الي نشتغل وياها، ومن خلال عملي احب ابني جيل واعي ومثقف ويؤمن بالسلام ويساهم بتخفيف حدة التوترات والنزاعات ".
رسالة قصي الى المجتمع والشباب " يجب الابتعاد عن الكراهية والتطرف والمساهمة بنشر السلام، لأن التطرف يولد عنف وكراهية وبالتالي الكل يتأثر بنتائج التطرف الي هي تساهم بتفكيك الاواصر المجتمعية والتواصل وتساهم أيضا بصورة غير مباشرة بتدمير الاقتصاد، وضروري اليوم نتعلم من التجارب الي مرينا بيها ونتخلص منها تدريجيا".
