سناء صالح عمري 27 سنة ، مخلصة بكالوريوس تقنيات محاسبة، شاركت بورشة "الحد من التطرف العنيف" ضمن مشروع (إشراك المجتمع المدني لبناء السلام المستدام في نينوى " الموصل، تلعفر وبعّاج") بدعم من قبل صندوق سلم من أجل الاستقرار، والممول من منظمة التعاون الألماني .
بما انه أني رسامة واحب ارسم وأكثر وقتي أقضيه بالرسم التشكيلي واحب انقل الواقع، ومن اني زغيرة جنت أحب الرسم لأن عدنا بعائلتنا رسامين، وأيضا اشتغلت بأكثر من منظمة وقدمنا دورات تدريبية للنساء والمشاريع الصغيرة وأكثر من 150 امرأة قدمنا الهم مشاريع واشتغلت ويه العديد من المنظمات وبالعديد من الجوانب منها التوعية والحملات والأنشطة المجتمعية.
تكول سناء " اني شاركت بهذه الورشة لأن تعنيلي هذه الامور واحب اقدم شي للمجتمع ومن خلال هذه الورشات اطور من نفسي وهذه المعلومات الي اخذها انقلها للمجتمع، وعندي عدة مشاركات بالمجتمع، شاركت بمعارض فنية بتلعفر وشاركت بفرق تطوعية ورسمت جدرايات بشكل تطوعي ".
وتضيف سناء " احس انه علمود ترجع الحياة مرة ثانية لازم نشتغل كلنا سوية بهذا المجال، وانه تلعفر رجعت احسن من قبل والرسمة تنطي بهجة للمجتمع وتثبت أنه اكو حياة بهذه المنطقة ".
رسالة سناء للنساء " أنّه يطلعون من هذا الجو ويطورون من نفسهم وماكو شي بالمجتمع يمنع البنت من أن تمارس دورها بالمجتمع، وماكو أي مانع أنّه المرأة تكسر هذه الحواجز الي ظلمتها منها العادات والتقاليد ودور المرأة جدا مهم بكل الأنشطة المجتمعية".
