اسمي محمد بنيان ، خريج متوسطة قضاء البعاج ، شاركت بالورشة الي أقامتها جمعية التحرير للتنمية ضمن مشروع "تعزيز التماسك الإجتماعي، السلام وقدرة المجتمع المدني على الصمود في غرب وجنوب غرب نينوى" الي يموّله برنامج الأمم المتحدة الإنمائي.
وبصراحة شاركت لخدمة المجتمع وعلمود أوصل صوت أهلي وناسي لأن بقريتنا ماعدنا ابسط المقومات والخدمات الي يحتاجها المواطن، مثلا عدنا 200 طالب بمدرسة وعدهم مدرس واحد فقط!
يكول محمد "هذا الموضوع بمثابة اثراء الي واني من الناس بعض الامور ما جنت اعرفها ومن خلال هذه الورشة الي هي اول ورشة الي بحياتي ،حيل استفاديت وصارت مناقشات وكان اثراء للجان مهم جدا النا".
ويضيف محمد " هي بداية واول ورشة واول انطلاقة عمل ، وراح اقيم هيجي ورشة هناك بقريتنا لمجموعة من الناس".
ويختم حديثه محمد " اكو مشكلة جدا عويصة وهي أنّه الحكومات والمنظمات كلها تجي للمدن وتهتم بالمدن اكثر من القرية والقرى تبدي تفرغ من السكان وتصير مأؤى للارهاب وبؤرة للتطرف بسبب التهميش وعدم ادراجها بالخدمات والانشطة، واليوم دورنا هو أنه نساهم بجذب المنظمات والحكومة المحلية لمناطقنا وقرانا علمود نكون جزء من عملية الإعمار والاستقرار والسلام".
