04 Jul 2022

امام جامع يشارك بالتشجير ويروّج للسلام من خلال المبادرات والأنشطة!

اسمي محمود محمد سلطان، أني امام جامع وعمري 23 سنة من قضاء البعاج، طبعا تركت الدراسة بصف الثالث المتوسط بسبب داعش تركت الدراسة، شاركت بمبادرة تشجير مع توزيع بروشورات وملصقات داخل الأحياء السكنية في قضاء بعاج وناحية تل عبطة من أجل تعزيز مفهوم الاعتناء بالبيئة والحد من التصحر وارتفاع درجات الحرارة خاصة بعد أن رأينا موجات الحر والاتربة تضرب هذه المناطق، هذه الحملة كانت في قضاء البعاج وناحية تل عبطة ضمن مشروع "تعزيز التماسك الاجتماعي السلام وقدرة المجتمع على الصمود في غرب وجنوب غرب نينوى" الذي تنفّذه جمعية التحرير للتنمية ويموّله برنامج الأمم المتحدة الإنمائي.

يكول محمود " بصراحة مناطقنا وقرانا مهمشة جدا وهذه أول منظمة تدخل لقريتنا وبالرّغم من أنّه هذا العام ماكان أكو حصاد وزراعة بسبب قلة المطر لكن الناس بعدهم بخير ، بس ما عدنا لا مياه صالحة للشرب ولا عدنا خدمات ولا شوارع ولا كهرباء ولا فرص عمل ونحتاج لجهود المنظمات والحكومة أن يهتموا أكثر بمناطقنا".
ويضيف محمود "من نطلع نشوف المناطق الأخرى نكول احنا وين عايشين وهذوله الناس وين عايشين مع العلم بنفس المحافظة، بس يمهم كلشي مرتب بالمدن واحنا عبارة عن صحراء وتصحر وشبه انعدام الحياة بمناطقنا".
ويوضّح محمود " بأنّه هذه المبادرات تقلل من عملية النزوح وتخلي الناس مستقرة بأماكنها وقراها ، لأن من تشوف المنطقة ما بيها خدمات راح يصير بيها هجرة من الريف إلى المدينة وأيضا نتمنى أن تستمر هذه المبادرات وتصير أكثر علمود نشعر بأنّه احنا جزء من هذا البلد ومو مهمشين".