16 May 2022

المناطق الساخنة تحتاج جهودنا علمود نرجعها طبيعية، ونزيل هذه التسميات عنها!

اسمي أحمد العبيدي من محافظة كركوك، وعمري 25 سنة، وحاليا أنا طالب مرحلة رابعة علوم سياسية وأعمل بالمجال التطوعي، وأنا ميسر بمجال بناء السلام ونعمل بمجال المجتمع المدني، واشتغلنا بمناطق الدبس وكركوك ونفذنا مشاريع وماراثون وجداريات السلام داخل منطقة الدبس وداخل جامعة كركوك ويه مجموعة من محافظة كركوك.
شارك أحمد بورشة "الحد من التطرف العنيف"  ضمن مشروع (إشراك المجتمع المدني لبناء السلام المستدام في نينوى " الموصل، تلعفر وبعّاج") بدعم من قبل صندوق سلم من أجل الاستقرار، والممول من منظمة التعاون الألماني .

يكول أحمد " طبعا هذه الورشة كانت كلش مهمة لأن بصراحة من خلال عملنا واجهنا هوايا حالات ، واليوم اكتسبنا خبرة وادوات علمود نتعامل معها أثناء العمل ونكدر نشتغل بهذا المجال ونناهض التطرف".
ويضيف أحمد "من خلال أنشطتنا ندعو للسلام ومناهضة العنف ونعمل على تعزيز مفهوم التطوع ونعمل مع عدة فرق تطوعية، وبعض المناطق ما زالت ساخنة وتحتاج جهود علمود ترجع الحياة الها ويدخل المجتمع المدني الها ويساهم بمعالجة كل الظواهر السلبية".
ويختم حديثه أحمد " اكو منظمات ما واصلة لبعض المناطق وخاصة الساخنة والي تأثرت بداعش، نتمنى من هذه المنظمات أن تساهم بالعمل بهذه المناطق وأن تبدي تروّج للمجتمع المدني وعودة الحياة ومناهضة التطرف والعنف، ونتمنى من الشباب أن يبلشون يشتغلون بالمجال التطوعي والمدني وأن يكونون ايجابيين ويروجون للسلام والمصالحة والحوار".